Fransk påtalemakt: Strasbourg-angriparen ropte «Allahu Akbar»
Fransk påtalemakt opplyser at mannen som gjekk til angrep i Strasbourg tysdag, ropte «Allahu Akbar». Fire personar med tilknyting til mannen er arrestert.
Ropet, som betyr «Gud er størst» på arabisk, kan tyde på at angrepet hadde eit terrormotiv. Fransk politi har ikkje tidlegare uttalt seg om motivet til gjerningsmannen, ut over å konstatere at dei etterforskar saka som mogleg terror.
Den mistenkte er identifisert som 29 år gamle Cherif Chekatt, ifølgje Reuters. Han har tidlegare vore i søkelyset til politiet for fleire lovbrot, og står oppført på ei liste over personar som kan vere ein trussel mot fransk nasjonal sikkerheit.
(©NPK)
