Frp fekk gjennom avgiftsgaranti på drivstoff
Den nye regjeringsplattforma slår fast at auka CO2-avgifter skal kompenserast med lågare avgifter på drivstoff. Frp jublar.
- Ein rein siger, konstaterer Frps finanspolitiske talsperson Helge André Njåstad.
- At vi dei kommande åra får kompensert alle aukar i CO2-avgift og vegbruksavgift med lågare drivstoffavgifter, er eit gjennomslag eg er stolt av.
Dette står i plattforma: Ikkje auke vegbruksavgifta på bensin og diesel. Auka pumpeprisar som følgje av auka krav til omsetnadspåbod for biodrivstoff og auka CO2-avgift på drivstoff pålagt vegbruksavgift skal i heilskap motsvarast med reduserte avgiftssatsar på drivstoff.
Siv Jensen har i realiteten forhandla fram ein drivstoffgaranti som seier at alle eventuelle avgiftsaukar på bensin og diesel, skal kompenserast med andre avgiftskutt på drivstoff, seier Njåstad.
(©NPK)
Helge André Njåstad, finanspolitisk talsperson i Frp, jublar over gjennomslag på drivstoffavgifter i regjeringsplattforma. Foto: Ole Berg-Rusten / NTB scanpix
