Nordre

Frp kan miste tre av fem ordførarar

Framstegspartiet gjorde eit svakt lokalval og ser no ut til å miste tre av sine fem ordførarar.

Det skriv både NRK og Dagbladet onsdag.

Frå før er det klart at Frp-nestleiar Terje Søviknes ser ut til å miste ordførarposten i Bjørnafjorden (tidlegare Os).

Samtidig er det klart at Mandal-ordførar Alf Erik Andersen ikkje får halde fram i vervet i den nye storkommunen Lindesnes. Mykje tyder òg på at Tom Staahle ikkje for fornya tillit som ordførar i Ullensaker, der Arbeidarpartiet og Senterpartiet har fleirtal saman.

Derimot såg det onsdag ut til at Knut Erik Engh i Ulstein kommune får halde fram i vervet. I tillegg blir Tom Henning Slethei ordførar i Sola kommune, takka vere støtte frå Ap.

Medan Frp før 2015 hadde tolv ordførarar, var talet redusert til fem før valet i år, nemleg Mandal, Hvaler, Ullensaker, Os og Ulstein.

(©NPK)

Det ser ut til at Frp-nestleiar Terje Søviknes sine dagar som ordførar er talte, her under valkampopninga i Os. Foto: Marit Hommedal / NTB scanpix

ANNONSE
Annonse
ANNONSE
Annonse