Fulham henta Babel tilbake til Premier League
Den nederlandske landslagsspelaren Ryan Babel er tilbake i Premier League. Fulham har henta han frå tyrkiske Besiktas på ein korttidskontrakt.
Babel var Liverpool-spelar frå 2007 til 2011 og har sidan vore innom klubbar i Tyskland, Tyrkia, Dei sameina arabiske emirata og Spania i tillegg til heimlandet Nederland.
Fulham håpar at 32-åringen kan hjelpe laget til ny kontrakt i engelsk eliteserie. Fulham har berre Huddersfield bak seg på tabellen.
Babel har fått ein kontrakt som gjeld ut sesongen.
- Eg har definitivt tru på at Fulham kan berge plassen. Det er ein av grunnane til at eg er her, å bidra til at det skjer, seier han.
(©NPK)
Fulham-manager Claudio Ranieri har styrkt stallen med veteranen Ryan Babel i jakten på å berge plassen i Premier League. Foto: Kirsty Wigglesworth, AP / NTB scanpix
