Nordre

Greta Thunberg på veg til New York med seglbåt

Den 16 år gamle svenske miljøaktivisten Greta Thunberg reiste onsdag frå den britiske byen Plymouth på veg til New York i seglbåt.

- Eg føler meg litt sjøsjuk, og det kjem ikkje til å bli komfortabelt. Men det kan eg leve med, sa ho til avisa The Guardian før båten sette kursen vestover.

Det unge aktivistikonet skal delta på eit klimatoppmøte i samband med FNs hovudforsamling i New York, men droppa å fly dit av miljøomsyn.

Ho vart dermed invitert med på 60 fot lange Malizia II, ein høgteknologisk konkurranseseglbåt, som er utstyrt med solpanel og turbinar under vatn for å skaffe energi.

Faren til klimaaktivisten Svana Thunberg og filmskaparen Nathan Grossman er òg med på turen over Atlanterhavet, i tillegg til Pierre Casiraghi, sonen til Monacos prinsesse Caroline, som er ein av dei to kapteinane på båten.
EMBED START Image Greta Thunberg klatrar om bord i seglbåten Malizia II, som skal ta henne til New York. Foto: AP / Kirsty Wigglesworth / NTB scanpix EMBED END Image EMBED START Image Seglbåten Malizia II på veg ut frå hamna i Plymouth på veg til New York med miljøaktivisten Greta Thunberg om bord. Foto: Kirsty Wigglesworth / AP / NTB scanpix EMBED END Image EMBED START Image Greta Thunberg vinkar adjø idet ho seglar ut frå Plymouth med Boris Herrmann som kaptein på seglbåten Malizia II. Foto: Kirsty Wigglesworth / AP / NTB scanpix EMBED END Image (©NPK)
Den svenske miljøaktivisten Greta Thunberg, som nektar å fly til USA, forlèt onsdag Plymouth i England i ein høgteknologisk konkurranseseglbåt. Ho skal i september delta på eit klimatoppmøte arrangert av FN.

ANNONSE
Annonse
ANNONSE
Annonse