Guldvog: Mutasjonen har potensial til å drive fram ei tredje bølgje med ei veldig kraft i Noreg
Helsedirektør Bjørn Guldvog meiner at spreiing av den engelske virusmutasjonen kan drive fram ei tredje virusbølgje i Noreg.
– Eg vil minne om at denne varianten av viruset er vesentleg meir smittsam enn det viruset vi allereie er kjende med. Det har potensial til å kunne drive fram ei tredje bølgje med veldig kraft i Noreg, sa helsedirektør Bjørn Guldvog på ei pressebrifing etter at utbrotet i Nordre Follo vart kjent fredag ettermiddag.
– Det er det vi vil prøve å unngå, om ikkje heilt uavhengig av kostnaden, så har det veldig stor verdi for det norske samfunnet om vi klarer å unngå dette, sa han vidare.
