Håkon Skulstad utnemnt til mellombels politidirektør
Assisterande politidirektør Håkon Skulstad er utnemnt som mellombels politidirektør. Samtidig blir Lise Sannerud direktør for Kriminalomsorgsdirektoratet.
Håkon Skulstad skal fungere som politidirektør i eit halvt år inntil det blir bestemt kven som skal inn i stillinga permanent. Han trer inn etter at åremålet til tidlegare direktør Odd Reidar Humlegård er gått ut 22. november.
Samtidig har Lise Sannerud fått jobben som direktør for Kriminalomsorgsdirektoratet.
Sannerud kjem frå stillinga som direktør for Sekretariatet for konfliktrådet. Ho overtar etter Marianne Vollan som er blitt dommar i Borgarting lagmannsrett.
(©NPK)
Håkon Skulstad blir mellombels politidirektør.
Foto: Vidar Ruud / NTB scanpix
