Hareide har snakka med Henriksen
Rosenborg-trenar Åge Hareide vedgår at han har vore i kontakt med kontraktslause Markus Henriksen.
Henriksen er på jakt etter ein ny arbeidsgivar etter at han vart stilt fri frå kontrakten med engelske Hull. Til Adresseavisen seier Åge Hareide at han har snakka med midtbanespelaren.
– Vi har snakka med han, både eg og Micke (sportsleg leiar Dorsin). Men det er inga framdrift, seier RBK-sjefen.
Henriksen har tidlegare varsla at han skulle ta ei avgjerd rundt eiga fotballframtid etter den nyleg avslutta landslagspausen.
– Det er opp til Markus sjølv å ta ei avgjerd. Per i dag veit eg ikkje noko meir om kva han vel, seier Åge Hareide.
28-åringen skal etter det Adresseavisen kjenner til vere ønskt av klubbar frå fleire land.
(©NPK)
Markus Henriksen står framleis utan klubb. Foto: Stian Lysberg Solum / NTB
