Høgsterett i Japan avviste fengslingsanke frå tidlegare Nissan-topp

Carlos Ghosns advokatar ville ha slutt på varetektsfengslinga av den tidlegare Nissan-toppen. Japansk høgsterett sa nei.

Varetektsfengslinga av Ghosn vart nyleg forlengt til å gjelde fram til 22. april, og kan forlengast ytterlegare. Det er uklart når rettssaka mot han byrjar.

Førre månad vart den tidlegare Nissan-toppen lauslaten mot kausjon, men han vart arrestert igjen 4. april. Lang varetektsfengsling og fleire arrestasjonar er vanleg i Japan, men å arrestere nokon som har vorte lauslaten mot kausjon på ny er uvanleg.

Ghosn er sikta for å ha forfalska finansdokument gjennom å underrapportere pensjonen sin, og dessutan med tillitsbrot gjennom tvilsame utbetalingar. Han hevdar sin uskyld, og seier pensjonen aldri var fastsett og at utbetalingane var lovlege.

65-åringen leidde Nissan i to tiår og redda bilprodusenten frå randa til konkurs. Førre veke vart han kasta ut av styret til selskapet.

(©NPK)

Tidlegare Nissan-topp Carlos Ghosn skal bli verande i varetekt i Japan, har Høgsterett i landet vedtatt. Foto: AP / NTB scanpix.

ANNONSE
Annonse