Hovland klatra 276 plassar på rankinga

Viktor Hovland gjekk frå 911.-plass til 635.-plass på verdsrankinga i golf etter 32.-plassen i US Masters i helga.

21-åringen frå Oslo passerte så vidt Kristian Krogh Johannessen (640.-plass) og er nest beste nordmann etter at han vart beste amatør på Augusta-banen.

Hovland er òg kvalifisert for US Open i juni og British Open i juli.

Beste nordmann på rankinga er Aksel Kristoffer Olsen på 373.-plass. I tillegg til dei tre nemnde er ytterlegare fire norske inne på topp-1000-lista.

Dustin Johnson frå USA toppar rankinga føre briten Justin Rose og amerikanaren Brooks Koepka.

Tiger Woods rykker opp til 6.-plassen etter sigeren i US Masters. Det var hans 15. Major-siger og den første på 11 år. Det var seks plassar opp for veteranen.

Tiger Woods låg 281 veker på toppen av rankinga frå juni 2005 til oktober 2010. Det er rekord.

(©NPK)

Viktor Hovland gjorde det skarpt under US Masters i år. Foto: Chris Carlson / AP / NTB scanpix.

ANNONSE
Annonse