Hvas til semifinalen på 100 meter butterfly i svømme-VM
Tomoe Zenimoto Hvas er klar for semifinalen på 100 meter butterfly i kortbane-VM i symjing i Kina seinare onsdag.
Han kvalifiserte seg inn med tida 51,04. Tida var 19 hundredelar bak eigen norsk rekord sett i København 13. desember i fjor. Hvas hadde den 12. beste kvalifiseringstida. USAs Caeleb Dressel var raskast med 49,23.
Ingen av dei andre norske på startstreken i kvalifiseringa onsdag tok seg til finalane, men det var fleire gode resultat.
Emilie Løvberg enda heilt oppe på 13.-plass i 200 meter butterfly. Ho hadde tida 2.08,62 og var 2,13 sekund bak ein finaleplass.
Markus Lie svømde inn til 1.44,88 på 200 meter fri menn og vart nummer 16.
Susann Bjørnsen enda på 23.-plass på 100 meter fri med 54,65.
(©NPK)
Tomoe Zenimoto Hvas er klar for semifinale på 100 meter butterfly i kortbane-VM i Kina. Foto: Jessica Gow/TT / NTB scanpix.
