Ikkje fleirtal for å innføre arvegift på nytt
Både Sp og Ap seier nei til å innføre arveavgift på nytt. Dermed er det lite sannsynleg at ei raudgrøn regjering vil gjeninnføre avgifta etter valet i haust.
Frå før av seier både Høgre og Framstegspartiet nei til avgift på arv. Dermed er fire av dei fem største partia på partimålingane i sommar tydelege motstandarar av å innføre den omstridde avgifta på nytt.
– Vi har ingen planar om å gjeninnføre arveavgifta, seier medlem i Stortingets finanskomité og Ap-veteran Ingrid Heggø til VG.
Også Sp-nestleiar Ola Borten Moe stadfestar at partiet hans er mot eit comeback for arveavgifta.
Mange har frykta at ei raudgrøn regjering der SV er med vil gjeninnføre avgifta. Spesielt viss regjeringa blir avhengig av SV – og kanskje òg Raudt og MDG, som også ønskjer ei gjeninnføring.
Desse tre partia er likevel langt unna å få eit fleirtal for arveavgift på Stortinget etter dei siste meiningsmålingane.
(©NPK)
