Nordre

India forbyr Tik Tok og andre kinesiske mobilappar

India forbyr 59 kinesiske mobilappar, inkludert populære Tik Tok, berre veker etter dødelege samanstøytar mellom nabolanda i eit grenseområde i Himalaya.

– Dei driv med aktivitetar som er skadelege for den indiske suvereniteten og integriteten, forsvar av India, statstryggleik og offentleg orden, uttalte det indiske departementet for Informasjonsteknologi måndag.

India og Kina har sidan 16. juni prøvd å dempe spenninga mellom landa etter at 20 indiske soldatar vart drepne i nærkamp med køller, steinar og knyttnevar i Ladakh i Kashmir, lengst nord i India, på grensa mot Kina.

Kina og India er i strid om fleire grenseområde i Himalaya. I 1962 førte konflikten til krig mellom dei to landa.

(©NPK)

ANNONSE
Annonse
ANNONSE
Annonse