Ingen fotball for Haaland og co. før i mai

Bundesligaklubbane godtok tysdag tilrådinga om å utsetje den tyske seriefotballen til 30. april som følgje av koronaviruset.

Det vart bestemt i eit møte mellom klubbane i 1. og 2. Bundesliga.

Den tyske ligaen vart stansa 13. mars, og førre veke tilrådde Den tyske fotballigaen (DFL) at pausen varer ut april. Han kan òg komme til å vare lenger.

I 1. Bundesliga, der Erling Braut Haaland og Borussia Dortmund kjempar om serietittelen, står det igjen ni rundar.

(©NPK)

Den tyske Bundesligaen er sett på pause til minst 30. april. Foto: Marcel Kusch / DPA via AP / NTB scanpix

Annonse
Annonse