Ingen straumavtale mellom Moldova og russiskvennlege utbrytarar

Eit kraftverk i den russiskvennlege utbrytarregionen Transnistria kjem ikkje til å ta opp att straumforsyningane til resten av Moldova.

Det vart klart etter at forhandlingar om ei gjenopning mislykkast fredag.

Samtalane vart haldne i den moldovske hovudstaden Chişinău og handla om ei rekkje saker. Det var håp om eit gjennombrot når det gjaldt straumforsyningane, noko som kunne betydd mykje for å avhjelpe energikrisa i Moldova, eitt av Europas fattigaste land.

Men etter møtet var det ingen konkrete resultat å leggje fram.

– Dessverre har vi enno ikkje komme fram til ei løysing på nokon av problema, sa Vitalij Ignatjev, som fungerer som utanriksminister i utbrytarrepublikken, som ikkje er anerkjend internasjonalt.

Samtalane vart tilrettelagde av Organisasjonen for tryggleik og samarbeid i Europa.

(©NPK)

Moldovas president Maia Sandu held ein tale i Paris. Utbrytarrepublikken Transnistria slutta å sende straum til andre delar av Moldova i byrjinga av november. Det kan forverre energikrisa i landet. Foto: Yohan Valat, Pool via AP / NTB