Isco får pause etter blindtarmoperasjon

Real Madrid-stjerna Isco fekk tysdag diagnosen akutt blindtarmbetennelse og blei innlagt for operasjon. Han kan bli borte frå banen fleire veker.

- Isco hadde smerter i magen, og legane fant ut at det er blindtarmbetennelse. Derfor skal han opererast, sa trenar Julen Lopetegui på ein pressekonferanse tysdag.

- Vi håper alt går bra og at han snart er tilbake.

I tillegg til bortekampen mot Sevilla onsdag mister 26-åringen heilt sikkert også byderbyet mot Atlético Madrid i helga. Ifølgje spanske medium reknar Real Madrid med å måtte greie seg utan Isco i inntil ein månad.

Blant anna mister han då meisterligakampen mot CSKA Moskva neste veke og Spanias landskampar mot Wales og England. Han bør vere klar igjen til El Clásico mot Barcelona i slutten av oktober.

Då klubbkamerat Luka Modric blei blindtarmoperert i 2011, var han ute i to veker.

(©NPK)

Real Madrid-spelar Isco (til h.) mister fleire kampar på grunn av ein blindtarmoperasjon. Foto: Paul White, AP / NTB scanpix

Annonse
Annonse