Italia avgrensar bruken av AstraZeneca-vaksine
Italia vil frå no av berre tilby koronavaksine frå AstraZeneca til personar som har fylt 60 år.
Avgjerda kjem etter at ei 18 år gammal kvinne døydde av blodpropp etter å ha fått vaksinen, opplyser regjeringa. Kvinna fekk ein vaksinedose 25. mai og døydde torsdag.
Sjølv om forskarar og styresmakter i fleire land er samde om at det er eit samband mellom AstraZeneca-vaksinen og nokre svært sjeldne tilfelle av alvorlege biverknader, har alle aldersgrupper i Italia til no fått den svensk-britiske vaksinen.
AstraZeneca er som kjent teken ut av vaksineprogrammet i Noreg.
(©NPK)
Styresmaktene i Italia har bestemt at koronavaksinen frå AstraZeneca heretter berre skal tilbydast til personar over 60 år. Foto: AP / NTB
