Italia vil forby plastkoppar frå 2020

Italia har planar om å forby både koppar, tallerkenar og bestikk laga av plast, frå 2020, opplyser miljøvernminister Sergio Costa.

Forbodet vil òg gjeld andre ting av plast, som sugerøyr og cocktailpinnar.

Ifølgje Costa er lovteksten nesten ferdig, men før lova kan tre i kraft, må både regjeringa og nasjonalforsamlinga gi klarsignal.

- Målet mitt er å reinse opp økosystemet i havet så mykje som mogleg, seier Costa til avisa La Repubblica fredag.

EU-kommisjonen la fram eit liknande forslag i mai, men det må først vedtakast av medlemslanda.

Frå og med 2020 skal heller ikkje fiskarar i Italia få lov til å kaste søppel som dei plukkar opp mens dei fiskar, tilbake i sjøen. Det skal òg innførast forbod mot kosmetikk som inneheld mikroplast.

(©NPK)

Annonse
Annonse