Kinesarane viste kongeparet prestisjeprosjekt

Det norske kongeparet fekk torsdag sjå det gigantiske solkraftverket kinesiske styresmakter har bygd i Dunhuang.

Anlegget er Kinas største solkraftverk og eitt av dei største i verda. Kongeparet fekk ei omvising på anlegget og kunne sjå tusenvis av solcellepanel og speglar som reflekterer sol opp til eit energiproduserande salttårn.

Både kongen og dronninga verka begeistra og interesserte og stilte fleire spørsmål undervegs.

Dronning Sonja, som er ein ivrig fotograf, tok også opp mobilkameraet for å forevige det gigantiske anlegget, som leverer meir straum enn det byen klarer å forbruke.

Anlegget er eigd av lokalmyndigheitene i Dunhuang.

(©NPK)

Kong Harald og dronning Sonja fekk torsdag sjå det gigantiske solkraftverket Gansu Dunhuang Solar Park som kinesiske styresmakter har bygd i ørkenen ved Dunhuang. Foto: Heiko Junge / NTB scanpix

ANNONSE
Annonse
ANNONSE
Annonse