Kleveland på pallen i Laax
Marcus Kleveland vart fredag nummer tre då snøbrettkøyrarane møttest til verdscuprenn i slopestyle i sveitsiske Laax.
Konkurransen var Klevelands første i disiplinen sidan han skadde seg stygt i 2018. No er han tilbake i verdstoppen.
Fredag enda han med poengsummen 78,30. Det heldt til tredjeplass. Svenske Niklas Mattsson vann etter å ha vorte påskjønt med 84,28 poeng for sitt beste «run».
Mons Røisland, som også har slite med skade, vart nummer fem. Han enda på 74,33 poeng.
Torgeir Bergrem vart niandemann.
(©NPK)
Marcus Kleveland vart nummer tre i Sveits. Foto: Geir Olsen / NTB
