Nordre

Klimaaktivistar blir åtvara mot Heathrow-aksjon

Britisk politi åtvarar klimaaktivistar mot å gjennomføre ein planlagt droneaksjon for å lamme flytrafikken på Heathrow og truar med straffeforfølging.

Medlem i aktivistgruppa Heathrow Pause seier dei vil aksjonere på flyplassen fredag. Planen er å sende opp dronar for å hindre flytrafikken på Heathrow, ein av Europas travlaste flyplassar.

Ein talsmann for politiet i London seier dei har førebudd seg på aksjonen og vil gripe inn.

- Dette er ikkje ein lovleg demonstrasjon, men ein bevisst og kriminell handling som blir retta mot ein viktig del av Storbritannias nasjonale infrastruktur. Dette vil ikkje bli tolerert, åtvarar talsmannen og oppmodar aktivistane til å skrinleggje planane.

Ifølgje aktivistgruppa er aksjonen ein protest mot «manglande konstruktive tiltak frå styresmaktene for å løyse klima- og miljøkrisa».

(©NPK)

ANNONSE
Annonse
ANNONSE
Annonse