Kommunal kompensasjon blir utvida med ein milliard kroner
Kommunane får ein ekstra milliard i Revidert nasjonalbudsjett (RNB) som dei kan bruke til å hjelpe lokalt næringsliv.
Det skriv Adresseavisen.
Dei første 500 millionane skal fordelast før sommaren, medan resten skal sparast over sommarferien til eventuelle behov til hausten.
– For å sikre arbeidsplassar, få folk ut i jobb, og bidra til å ta Noreg ut av krisa, foreslår regjeringa ei tilleggsløyving på ein milliard kroner, seier distrikts- og digitaliseringsminister Linda Hofstad Helleland (H).
Statsråden seier bransjar som reiseliv og servering framleis står i ein krevjande situasjon, og at løyvingane i denne ordninga kan tilpassast ulike lokale behov. I tillegg kan ho treffe bedrifter som har falle utanfor nasjonale ordningar.
(©NPK)
Distrikts- og digitaliseringsminister Linda Hofstad Helleland (H) lovar ein ekstra milliard til kommunane. Foto: Terje Pedersen / NTB
