Kongen deltek ikkje på markering av 8. mai
Kong Harald er framleis under opptrening etter operasjonen i kneet. Derfor blir han ikkje å sjå på Akershus festning 8. mai.
Kongehuset opplyser til Forsvarets forum at kong Harald ikkje deltek på markeringa av frigjeringsdagen og veterandagen 8. mai på Akershus festning som følgje av opptreninga.
Kronprins Haakon vil derfor vere til stades under delar av markeringa og kjem til å leggje ned krans ved Nasjonalmonumentet.
På grunn av smittevernreglar kan heller ikkje forsvarsminister Frank-Bakke Jensen eller forsvarssjef Eirik Kristoffersen delta på alle markeringane, men enkelte vil begge vere til stades under.
(©NPK)
Kong Harald blir ikkje å sjå på Nasjonalmonumentet på Akershus festning under markeringa av 8. mai. Foto: Lise Åserud / NTB
