Konkurransetilsynet bekymra for mediemangfaldet

Tre store eigarar kontrollerer over 70 prosent av den norske avismarknaden. Det bekymrar Konkurransetilsynet.

Det er i ein kronikk i Dagens Næringsliv at avdelingsdirektør Gjermund Nese og konkurransedirektør Tina Søreide i Konkurransetilsynet luftar bekymringa si for marknadskonsentrasjonen og konkurransen i norske medium.

Dei peikar på at Schibsted, Polaris og Amedia ifølgje Medietilsynet kontrollerte 72,5 prosent av avisopplaga i 2021, ein auke frå 64,1 prosent i 2017.

«Dette markedet er relativt konsentrert, og man kan spørre om det går utover mediemangfoldet. Konkurransetilsynet ser i alle fall grunn til å følge godt med på konkurransesituasjonen i det norske nyhetsmarkedet», skriv dei i kronikken.

Dei viser til at pressa som arena for ytringsfridom er avgjerande for eit levande demokrati.

«Blir nyhetsmarkedene for konsentrerte, og konkurransen for svak, kan det for eksempel bety færre alternative arbeidsplasser for engasjerte journalister. Da kan de stå svakere overfor sine arbeidsgivere i krav om uavhengighet og nødvendige ressurser», meiner Nese og Søreide.

Samtidig peikar dei på at det normale er at « … oppkjøpere i det norske markedet fremhever sin anerkjennelse av redaksjonell frihet.»

(©NPK)

Konkurransetilsynet er bekymra over marknadskonsentrasjonen blant norske nyheitsmedium, og følgjer situasjonen nøye.
Illustrasjonsfoto: Ali Zare / NTB

ANNONSE

Artikkelen fortsetter etter annonsen.

Annonse
ANNONSE

Artikkelen fortsetter etter annonsen.

Annonse