Nordre

Koronapasient døydde på Diakonhjemmet i Oslo

Ein pasient som var smitta av koronaviruset, døydde tidlegare denne veka på Diakonhjemmet sjukehus i Oslo.

– Vi kan stadfeste at ein koronasmitta pasient døydde. Av omsyn til personvernet kan vi ikkje kommentere saka ytterlegare, seier kommunikasjonssjef Pernille Lønne Mørkhagen ved Diakonhjemmet sjukehus til VG.

Avisa skriv at det førebels er uklart om dødsfallet, som ifølgje Diakonhjemmet sjukehus vart rapportert inn for siste døgn om morgonen torsdag 26. mars, er ein del av Folkehelseinstituttets oversikt over talet på døde i Noreg.

Mørkhagen seier at dei måndag skal undersøkje om dødsfallet er registrert i Folkehelseinstituttets nasjonale oversikt.

Folkehelseinstituttet vil ikkje kommentere om dei har registrert eit dødsfall ved Diakonhjemmet sjukehus.

(©NPK)

Ein pasient som var smitt av koronaviruset, døydde på Diakonhjemmet sjukehus i Oslo denne veka. Foto: Jon Olav Nesvold / NTB scanpix

ANNONSE
Annonse