ANNONSE
Annonse

KrF vil auke pressestøtta med 15 millionar

Kristeleg Folkeparti foreslår i sitt alternative budsjett fredag å auke pressestøtta med 15 millionar kroner.

- Eg er eigentleg overraska over at regjeringa og kulturministeren legg opp til kutt i mediestøtta i sitt forslag til budsjett, seier KrFs kulturpolitiske talsperson Geir Jørgen Bekkevold til Journalisten torsdag.

I budsjettforslaget blir pressestøtta på 313 millionar vidareført, noko som reelt sett er eit kutt på rundt sju millionar ettersom støtta ikkje aukar i takt med den generelle prisveksten.

Også Arbeidarpartiet har lagt inn 15 millionar kroner til ulike pressetiltak - blant anna 10 millionar i produksjonsstøtte - i sitt alternative budsjett, opplyser mediepolitisk talsperson Trond Giske til Journalisten.

(©NPK)

KrFs kulturpolitiske talsperson Geir Jørgen Bekkevold varslar at partiet vil ha auka pressestøtte. Foto: Ørn Borgen / NTB scanpix

ANNONSE
Annonse
ANNONSE
Annonse