Kristiansund-målvakt lånt ut til Sogndal
Målvakta Serigne Mor Mbaye skal spele for Sogndal på utlån frå Kristiansund kommande fotballsesong.
Det stadfestar klubbane på nettsidene sine tysdag.
Senegalesiske Mbaye kom til Kristiansund i 2015. Han var i 2018 på utlån til islandske Vikingur Reykjavik, og i siste halvdel av sesongen i fjor vakta han HamKam-målet.
For Kristiansund har han stått 14 kampar i Eliteserien. I tillegg har det vorte fire cupkampar.
– Dette er ein spennande kar og ein bra målvakttype, seier den ansvarlege for spelarlogistikk i Sogndal, Håvard Flo.
I Kristiansund er det hard kamp om målvaktplassen. Sean McDermott har vore førsteval.
(©NPK)
Kristiansunds keeper Serigne Mor Mbaye går til Sogndal. Foto: Trond Reidar Teigen / NTB
