Kristoff og Bystrøm står over NM og EM

Karantene i Noreg gjer at Alexander Kristoff og Sven Erik Bystrøm vel å ikkje delta i Sykkel-NM eller EM i august. Det fortel sistnemnde til TV 2 fredag.

Syklistane, som er lagkameratar i UAE-team Emirates, skal køyre Critérium du Dauphiné frå 12. til 16 august, før det blir ti dagars karantene heime i Noreg.

Det medfører at dei står over både noregsmeisterskapen på Ringerike 23. august og EM i Plouay, Frankrike 26. august.

– Vi dreg rett tilbake til Noreg etter Dauphiné for ti dagar i karantene. Så dreg vi tilbake til Frankrike og Tour de France. Det betyr at vi ikkje kan sykle NM, så det er litt kjipt, fortel Bystrøm til TV 2.

Tour de France-starten er sett til 29. august denne sesongen.

For augneblinken er Bystrøm og Kristoff i Italia, der sistnemnde skal sykle Milano-Sanremo laurdag. Bystrøm er oppført som reserve etter at arrangøren reduserte laget frå sju til seks ryttarar.

(©NPK)

Alexander Kristoff og lagkameraten Sven Erik Bystrøm blir ikkje å sjå i NM eller EM i slutten av august. Foto: Heiko Junge / NTB scanpix

Annonse
Annonse