Kristoff på tredjeplass i Slovakia

Alexander Kristoff vart nummer tre på den fjerde etappen av Slovakia rundt fredag. Arnaud Démare frå Frankrike stakk av med sigeren.

Franskmannen sette inn eit lite rykk før mål og vann med to sekund. Bak han spurta kviterussaren Aleksander Riabusjenko inn til andreplass, medan Kristoff vart nummer tre etter ein tøff bakkespurt mot lagkameraten.

Dette er andre gong denne veka at Kristoff kjem på pallen.

Onsdag spurta han inn til siger på den første etappen av rittet. På ein tempoetappe seinare på dagen gjekk han i bakken og mista samanlagtleiinga. Torsdag klarte ikkje nordmannen å blande seg inn i sigerskampen. Han vart til slutt nummer 12.

Ei rekke andre nordmenn er òg med i Slovakia rundt. Martin Bugge Urianstad var fredag i brot, men det heldt ikkje heilt inn.

Yves Lampaert frå Belgia beheld samanlagtleiinga etter ein femteplass fredag.

Rittet blir avslutta laurdag.

(©NPK)

Alexander Kristoff vart nummer tre i Slovakia fredag.
Foto: Fredrik Hagen / NTB scanpix

Annonse
Annonse