Nordre

Krystallkule-kamp i Holmenkollen

VM-kongen Johannes Thingnes Bø står i spissen for ein sterk norsk tropp til verdscupavslutninga i skiskyting denne veka i Holmenkollen.

Måndag presenterte Norges Skiskytterforbund uttaket til renna på heimebane. Heile den norske VM-troppen er med.

I tillegg får fleire litt meir uskrivne blad sjansen, blant dei talenta Johannes Dale og Endre Strømsheim.

Sjølv om VM er over, står mykje på spel i dei tre individuelle renna som avsluttar verdscupsesongen.

Johannes Thingnes Bø har for lengst avgjort samanlagtkampar i verdscupen til sin fordel. Også sprintcupen har han vunne, men det er framleis spenning både i fellesstartcupen og jaktstartcupen.

I fellesstartcupen er Thingnes Bø og franske Quentin Fillon Maillet poenget føre det siste rennet. Dermed ligg det an til ein real duell om krystalltrofeet i Holmenkollen søndag.

Heller ikkje på kvinnesida er alt avgjort. Tvert i mot. I kampen om verdscupen samanlagt har dei italienske lagvenninnene Dorothea Wierer og Lisa Vittozzi begge 852 poeng. Marte Olsbu Røiseland følgjer deretter med 753, og er ikkje heilt utan sjanse før dei tre siste renna.

Røiseland er òg i høgaste grad med i kampen om krystallkulene i sprint- og jaktstartcupen. I sprintcupen skil det 23 poeng opp til leiande Anastasia Kuzmina, medan frolendingen har 32 poeng opp til Lisa Vittozzi i jaktstartcupen.

Slik ser den norske troppen til renna i Holmenkollen ut:

Kvinner:

Tiril Eckhoff (Fossum), Emilie Kalkenberg (Skongseng), Karoline Knotten (Vingrom), Thekla Brun Lie (Oslo), Marte Olsbu Røiseland (Froland), Synnøve Solemdal (Tingvoll), Ingrid Landmark Tandrevold (Fossum).

Menn:

Lars Helge Birkeland (Birkenes), Erlend Bjøntegaard (Beveren), Johannes Thingnes Bø (Markane), Tarjei Bø (Markane), Vetle Sjåstad Christiansen (Geilo), Johannes Dale (Fet), Henrik L'Abée-Lund (Oslo), Endre Strømsheim (Bærum).

(©NPK)

Marte Olsbu Røiseland forsynte seg av gulla i VM. Foto: Lise Åserud / NTB scanpix

Johannes Thingnes Bø med medaljane frå VM i skiskyting. Foto: Lise Åserud / NTB scanpix

ANNONSE
Annonse
ANNONSE
Annonse