Löfven: - På tide med ei kvinne
Sveriges statsminister Stefan Löfven gratulerer Ursula von der Leyen og seier det er på tide at EU-kommisjonen har fått ein kvinneleg leiar.
- Det er på tide at vi får ei kvinne i denne viktige posisjonen, seier Löfven, som meiner det er bra at leiinga i EUs institusjonar no kjem på plass.
I ei avstemming i EU-parlamentet vart tyske Ursula von der Leyen (60) godkjent som ny president i EU-kommisjonen med 383 stemmer for, 327 stemmer mot og 22 blanke stemmer. Ho blir første kvinnelege president i kommisjonen og overtar etter Jean-Claude Juncker 1. november.
Den svenske statsministeren seier i ei fråsegn at regjeringa vil gå i forhandlingar med den tiltredande presidenten om den svenske kommisjonæren.
(©NPK)
Sveriges statsminister Stefan Löfven gratulerer Ursula von der Leyen. Foto: Jessica Gow / TT / NTB scanpix
