Langrenn: Fleire i Team Koteng Eidissen er koronasmitta

Martin Johnsrud og fleire på langrennslaget Team Koteng Eidissen har vorte smitta av korona og mistar helgas langløp, melder VG.

– Ingen har noko alvorleg sjukdomsforløp, så satsar på at dei er kjapt tilbake i sporet, skriv teamsjef Tore Bjørseth Berdal til avisa.

I tillegg til Sundby har laga profilar som Chris Jespersen og Astrid og Kari Øyre Slind.

Onsdag vart det opplyst at heile laget var i karantene i Sveits etter ein positiv test i troppen. I Engadindalen i Sveits førebudde laga seg til helgas La Venosta Open, men der får dei ikkje gå.

Men Mikael Gunnulfsen, Mattis Stenshagen og Anna Svendsen stiller derimot til start for Team Koteng Eidissen. Dei kom først etter sist helg og bor separat frå resten av laget.

(©NPK)

Martin Johnsrud Sundby og fleire profilar på Team Koteng Eidissen er koronasmitta. Foto: Terje Pedersen / NTB

ANNONSE
Annonse
ANNONSE
Annonse
ANNONSE
Annonse