Lærer og elev skadd i samband med slagsmål på Oslo-skule
Ein lærar på Valle Hovin vidaregåande skule i Oslo vart skadd etter at han prøvde å stanse eit slagsmål måndag formiddag. Også ein elev vart skadd.
– Ein elev ved skulen blir behandla av ambulansen for skadar han har pådratt seg etter å ha vorte utsett for vald. Han har truleg hjerneristing og mogleg brotskadar i ansiktet. Den tilsette med skadar i ein fot er ein lærar som gjekk imellom i slagsmålet, opplyser Oslo-politiet.
Politiet opplyser vidare at dei har kontroll på fleire personar, og at to personar har status som mistenkt.
– To av tenåringane, som ikkje er elevar på denne skulen, er mistenkte i saka, seier operasjonsleiar Rune Hekkelstrand i Oslo politidistrikt til TV 2.
(©NPK)
