Leiaren av Rogaland KrF skulle ønske Hareide ikkje hadde lagt seg sjølv i potten
Fylkesleiar Oddny Helen Turøy i Rogaland KrF skulle ønske at det ikkje hadde leke ut at partileiar Knut Arild Hareide går av dersom partiet går til dei blå.
- Eg skjønner vurderinga hans, men håper likevel han tenker seg om ein gong til. Når det no er ute, kan det kanskje vippe ein del tvilarar. Eg skulle ønske det ikkje hadde komme ut, seier Turøy dagen før Rogaland som første fylkeslag skal velje delegatar til det ekstraordinære landsmøtet i KrF 2. november.
Hareide skal, ifølgje NRK, ha gitt melding til sentralstyret allereie førre veke at han ikkje finn det naturleg å halde fram som partileiar dersom partiet stemmer ned råda hans om å søke regjeringsmakt med Arbeidarpartiet og Senterpartiet.
(©NPK)
KrF-leiar Knut Arild Hareide meiner det ikkje er naturleg at han held fram som partileiar dersom partiet seier nei til rådet hans om å søke regjeringssamarbeid med Ap og Sp. Fylkesleiar Oddny Helen Turøy i Rogaland KrF er lei for at dette har lekt ut. Foto: Cornelius Poppe / NTB scanpix
