Lindesnes: Tilrår å avlyse fritidsaktivitetar for barn og unge
Lindesnes kommune meiner dei har ein uoversiktleg smittesituasjon. No oppmodar dei til å avlyse fritidsaktivitetar og samlingar for barn og unge
Kommunen opplyser tysdag at åtte personar har testa positivt på hurtigtest. Fleire smittetilfelle har ukjend smitteveg.
«Lindesnes kommune oppfordrar lag, foreninger og foresatte til å avlyse fritidsaktiviteter og samlinger for barn og unge tirsdag, onsdag og torsdag for å få bedre oversikt og stoppe smitten», skriv kommunen på nettsidene sine.
Kino, symjehallar, fritidsklubbar, idrettshallar og kulturskulen vil halde stengt for fritidsaktivitetar dei same dagane.
Kommunen opplyser at det er mykje smitte blant barn og unge. Mange av desse har ukjend smitteveg.
(©NPK)
