Annonse

Lisa Naalsund klar for Manchester United

Lisa Naalsund (27) skiftar ut Brann med storklubben Manchester United i den engelske superligaen for kvinner.

Brann opplyser om overgangen på nettsidene sine tysdag ettermiddag.

I Manchester blir Naalsund lagkamerat med Vilde Bøe Risa og Maria Thorisdottir. Naalsund kom til Sandviken, no Brann, i 2019 og har ni landskampar.

Totalt vart det 92 kampar for klubben for midtbanespelaren.

– Eg har hatt det kjempefint i Brann, og det er vemodig å reise frå klubben. Samtidig var dette ei stor moglegheit for meg, som eg ikkje kunne takke nei til, seier Naalsund.

United har hatt ei god innleiing på sesongen og leier ligaen på målforskjell føre Chelsea. Dei raudkledde møter Everton heime i neste kamp.

– Det er flott å komme til ein klubb som har alt å spele for denne sesongen, seier Naalsund.

United-trenar Marc Skinner er svært fornøgd med å ha sikra seg den norske midtbanespelaren.

– Mentaliteten hennar og boks-til-boks-løp vil gi fleire kvalitetar inn i laget, seier han.

(©NPK)

Lisa Naalsund er klar for Manchester United. Foto: Rodrigo Freitas / NTB

Annonse