Lise Askvik attvald som leiar i Helsepartiet

Lise Askvik vart under landsmøtet til Helsepartiet i helga attvald som partileiar. Lene Haug held fram som nestleiar.

Både Askvik og Haug var med å stifte partiet i 2017.

Under det fjerde landsmøtet til Helsepartiet vart Erik Hexeberg, som er spesialist i indremedisin, vald inn som den andre nestleiaren i partiet.

– Det klare målet til helsepartiet er å kome på Stortinget i 2021. Ingen andre parti har helse som den fremste kampsaka si, og gjennom pandemien vil det tre stadig klarere fram kva kraft og makt helse har for heile samfunnet, seier Askvik i ei pressemelding.

(©NPK)

Lise Askvik (tv) og Lene Haug held fram som høvesvis partileiar og nestleiar i Helsepartiet. Biletet er frå 2017 då dei
fronta det nye partiet. Foto: Håkon Mosvold Larsen / NTB scanpix

Annonse
Annonse