Nordre

Liten nedgang på Oslo Børs

Hovudindeksen på Oslo Børs fall fredag 0,23 prosent og enda på 916,02 poeng. Vinnaren vart Grieg Seafood.

Sjømatselskapet leverte kvartalsrapport torsdag, og han påskjønte marknaden med ein kursvekst på 11,4 prosent dagen etter. Selskapet vart nest mest omsett på børsen fredag. Torsdag auka selskapet med 8 prosent.

Equinor var mest omsett fredag, men fall ein halv prosent til 178,95 kroner. På tredjeplass følgde DNB (-0,6). Taparen blant dei mest omsette aksjane vart Aker BP som fall 1,2 prosent.

Energisektoren enda ned 0,8 prosent, medan sjømatsektoren gjekk opp 2,1 prosent. Shippingsektoren gjekk ned 0,8 prosent.

Prisen på nordsjøolje var 61,4 dollar per fat på spotmarknaden fredag ettermiddag. Det er nesten ein dollar lågare enn då marknadene opna.

Rundt klokka 17 var den tonegivande amerikanske indeksen Standard & Poor 500 opp 0,3 prosent. Den industritunga Dow Jones-indeksen var opp 0,7 prosent. Teknologiindeksen Nasdaq auka 0,3 prosent i den tidlege handelen.

I Frankfurt gjekk den tyske DAX-indeksen ned 0,4 prosent, medan CAC 40-indeksen i Paris gjekk ned 0,2 prosent. Ved 17-tida låg FTSE 100-indeksen i London an til å falle 0,6 prosent.

Nikkei-indeksen i Japan gjekk opp 0,3 prosent fredag, medan Hang Seng-indeksen i Hongkong fall 0,7 prosent.

(©NPK)

Hovudindeksen på Oslo Børs fall fredag med 0,23 prosent. Foto: Terje Pedersen / NTB scanpix

ANNONSE
Annonse
ANNONSE
Annonse