Nordre

LO-tillitsvald frå Rogaland meiner det er OK om Vedum blir statsminister

Om Sp-leiar Trygve Slagsvold Vedum skulle bli statsminister etter valet i haust, er det ikkje noko problem for fylkesleiar Trond Helland i Fagforbundet.

Fylkesleiaren i Rogaland for LO-forbundet Fagforbundet skildrar overfor NRK Sp-leiar Vedum som ein erfaren og dyktig person, og han trekkjer òg fram dei gode samarbeidsevnene til Sp-leiaren.

– For meg er politikken viktigare enn personane. Både Støre og Vedum er to dyktige personar som har god appell. Så må politikken til partia avgjere dette. Det viktigaste er å byte ut dagens regjering, seier Helland.

LO har ein lang tradisjon for samarbeid med Arbeidarpartiet. I det siste har Ap gjort det dårleg på målingane, medan Senterpartiet har gjort det bra. Dersom det blir ei ny regjering etter stortingsvalet i haust, kan ho bli grønare enn den førre raudgrøne regjeringa.

(©NPK)

ANNONSE
Annonse