Lokalradioar får millionstøtte for å kunne sende på dab

Medietilsynet fordeler i desse dagar 8,2 millionar kroner til lokalradioane. 4,4 millionar av dette går til å dekkje utgifter dei har med å sende på dab.

Lokalradioane har stram økonomi, og støtta bidreg til at dei kan tilby innhaldet sitt på dab, seier direktør for juridisk og regulatorisk avdeling i Medietilsynet, Hanne Nistad Sekkelsten, i ei pressemelding.

Utover å dekkje dab-utgifter i 49 lokalradioar, er 1 million kroner av pengane kompetanse- og utviklingstilskot.

Medietilsynet deler også ut 555.000 kroner i støtte til lokalradioar med etniske og språklege minoritetar som målgruppe og 2,2 millionar kroner til bransjeorganisasjonar.

Til saman har lokale radio- og TV-kanalar fått 21,6 millionar kroner frå Medietilsynet hittil i år. Tidlegare i år fekk dei 13,4 millionar kroner i støtte til programproduksjonar og digitalisering av lokalradio.

(©NPK)

Lokalradioar får dekt utgifter til å sende på dab. Foto: Terje Bendiksby / NTB / NPK

ANNONSE
Annonse
ANNONSE
Annonse