Lorentzen slo tilbake med VM-sølv på 500 meter

Håvard Holmefjord Lorentzen har strevd i vinter, men på 500 meteren i VM i enkeltdistansar på skøyter fredag tok han sølvet og sette personleg rekord med 34,35.

Det gjekk styggfort på den tyske isen i Inzell. Lorentzens tid kunne på ein annan dag like gjerne halde til gull, men russaren Ruslan Murasjov ville det annleis og klokka inn til 34,22. Det er ny banerekord.

Lorentzen har trøbla tungt denne sesongen. Han har ikkje vore i nærleiken av å kopiere suksessen frå i fjor, men i VM var han tilbake. For berre ei veke sidan gjekk han sekundet saktare på 500 meter under verdscupstemnet i Vikingskipet på Hamar.

VM-bronsen gjekk til Viktor Musjtakov frå Russland.

(©NPK)

Håvard Holmefjord Lorentzen tok sølvet på 500 meter under VM for enkeltdistansar i Tyskland. Foto: Terje Bendiksby / NTB scanpix

ANNONSE
Annonse