Nordre

Macron seier han vil støtte Merkel som EU-topp

Frankrikes president Emmanuel Macron seier han vil stille seg bak Angela Merkel dersom ho ønsker å stille som kandidat til EUs toppjobb.

- Viss ho ønsker det, vil eg støtte henne, seier Macron til sveitsiske RTF.

Tysklands statsminister Angela Merkel har vore tydeleg på at det ikkje er aktuelt for henne å stille som kandidat.

Angela Merkel støttar i staden Manfred Weber, som er såkalla spisskandidat for den konservative partigruppa EPP, som Merkels parti CDU tilhøyrer. Weber har bakgrunn frå CDUs bayerske søsterparti CSU, men er eit lite kjent namn utanfor Brussel.

- Ingen veit kven desse spisskandidatane er, påpeikar Macron, som ikkje har gjort noko forsøk på å legge skjul på skepsisen til Weber.

- Det Europa treng, er sterke personlegdommar, personar med truverd og kompetanse, seier han.

(©NPK)

Frankrikes president Emmanuel Macron saman med Tysklands statsminister Angela Merkel. Bildet er frå EUs toppmøte i Brussel i slutten av mai. Foto: AP / NTB scanpix

ANNONSE
Annonse
ANNONSE
Annonse