Nordre

Maduro gir EU 72 timar på å forlate landet

Venezuelas president Nicolás Maduro seier EUs ambassadør må forlate det søramerikanske landet innan 72 timar.

Kravet kjem som eit svar på sanksjonane i unionen mot Luis Parra og ti andre politikarar som støttar Maduro. EU meiner dei motarbeider nasjonalforsamlinga i Venezuela.

Parra prøvde i januar å hindre opposisjonspolitikar Juan Guaidó i å bli vald til leiar for nasjonalforsamlinga, og Parra leiar no ei rivaliserande nasjonalforsamling.

Maduro sa i ein tale måndag at dersom europeiske leiarar ikkje respekterer Venezuela, bør dei forlate landet.

Han kritiserer vidare EU for å støtte Guaidó og tilbaud seg òg å hjelpe den europeiske delegasjonen med å skaffe eit fly ut av landet.

Det er Isabel Brilhante Pedrosa som leier EUs delegasjon i Venezuela.

(©NPK)

Arkivfoto: Matias Delacroix / AP / NTB scanpix

ANNONSE
Annonse
ANNONSE
Annonse