Magnussen tok NM-gull på skøyter i hundredelsstrid
Bjørn Magnussen tok 500-meter-gullet i NM enkeltdistansar på skøyter fredag. Han slo Håvard Holmefjord Lorentzen med eitt hundredels skund.
Lorentzen gjekk sin 500-meter på 35,56 i Vikingskipet, ei tid dei fleste rekna med ville halde til gull. I det siste paret gjekk likevel Magnussen knallsterkt inn til 35,55 og kneip gullet med aller minste margin, skriv Hamar Arbeiderblad.
På 1000-meteren tok Lorentzen gullet då han vann med 1.10,01, langt føre sølvvinnar Kristian Ulekleiv på 1.11,56.
Martine Ripsrud leverte to NM-gull på under ein time i kvinneklassen. Først gjekk ho inn til 39,38 på 500-meteren, før det vart 1.20,20 på 1000-meteren.
Fana-løparen Julie Samsonsen tok sølvet på begge distansane.
(©NPK)
Bjørn Magnussen trekte det lengste strået i hundredelsstriden på 500-meteren i skøyte-NM. Foto: Håkon Mosvold Larsen / NTB