Manchester Citys lagnad i europacupane klar om to veker
Mellom 13. og 19. juli kjem avgjerda til Den internasjonale valdgiftsretten for sport (Cas) om Manchester Citys anke av utestenginga frå europacupane.
Det stadfestar generalsekretær Matthieu Reeb i Cas overfor nyheitsbyrået AFP.
Det europeiske fotballforbundet (Uefa) har utestengt Manchester City frå europacupane dei neste to sesongane på bakgrunn av brot på regelverket for økonomisk fair play (FFP). Klubben er òg ilagd ei bot på cirka 320 millionar kroner.
Årsaka er at Manchester City skal ha overrapportert sponsorinntekter for å skjule regelstridige tilskot frå klubbens pengesterke eigarar
Manchester-klubben anka avgjerda inn til Den internasjonale valdgiftsretten for sport, som behandla saka over tre dagar i juni.
(©NPK)
Uefa meiner at Manchester Citys styrtrike eigar, sjeik Mansour bin Zayed Al Nahyan (midten), har overrapportert sponsorinntekter for å skjule at han sjølv tilførte klubben pengar. Foto: Jon Super / AP / NTB scanpix
