Mann etterlyst av politiet etter Majorstuen-drapet

Politiet gjekk fredag ut med bilde av ein mann som er etterlyst av politiet i samband med drapet på Majorstuen måndag.

Bilda av mannen vart tatt på Skøyen stasjon. Politiet trur denne mannen er gjerningsmannen og at han stakk av langs gangvegen ved Frognerelven, der politiet har funne gjenstandar.

Politiet trur han har gått ned frå Frognerparken til Skøyen langs gangstien ved Frognerelven.

Sidan måndag ved 12-tida har det gått føre seg ein klappjakt på kven som stod bak drapet på den 24 år gamle mannen som vart funnen knivdrepen i ei leilegheit på Majorstuen i Oslo. Samtidig har politiet etterforska eit knivran i eit garasjeanlegg i Essensdropsgate, som ligg like ved drapsåstaden.

- Vi meiner den etterlyste både kan knytast til drapet og ranet, sa politiinspektør Grete Lien Metlid i Oslo politidistrikt under ein pressekonferanse fredag.

- Det er veldig viktig for politiet å identifisere denne mannen sa Metlid.

Politiet melde om ranet klokka 8.10 måndag morgon. Ein person var då fråteke telefon og ei skinnmappe. Den fornærma var ifølgje politiet blitt trua med ein kniv, men vart ikkje fysisk skadd. Gjerningsmannen var ifølgje politiet iført ein svart caps/lue, han var cirka 170 centimeter høg med brune auge, mørke klede og snakka gebrokkent norsk.

Dette er mannen som er etterlyst av politiet i samnband med drapet på Majorstuen måndag. Foto: Vidar Ruud / NTB scanpix

Annonse
Annonse