Nordre

Marinen meiner dei veit årsaka til Helge Ingstad-ulykka

Sjøforsvarets gransking av Helge Ingstad-ulykka er i praksis ferdig. Dei konkluderer med at det ikkje var éin stor feil som førte til ulykka, skriv BT.

- Det har vore ei kjede av faktorar. Ei lang rekke hendingar som saman førte til at det gjekk som det gjekk. Det er noko vi òg kjenner igjen frå andre store ulykker, seier marinesjef Rune Andersen på Haakonsvern til avisa.

No rullar dei ut fleire tiltak for å forhindre nye ulykker innan dei seks ulike felta: Tryggingskultur, navigasjon, dokumentasjon, kompetansestyrking, teknisk tryggleik og handtering av avvik.

Sjøforsvarets interngransking er éin av fleire granskingar som framleis er i arbeid etter kollisjonen ved Øygarden 8. november i fjor. Statens havarikommisjon, Forsvarsmateriell og politiet arbeider òg med å finne ut kva som var årsaka til ulykka.

Fregatten kolliderte med tankskipet Sola og fekk ei stor flenge i sida av skroget, og vart liggjande i fjøresteinane i nesten fire månader før han vart heva og frakta til Haakonsvern i Bergen.

(©NPK)

Den havarerte fregatten KNM Helge Ingstad ved Øygarden i Hordaland. Foto: Marit Hommedal / NTB scanpix

ANNONSE
Annonse
ANNONSE
Annonse