Nordre

Markering mot muslimhat og terror framfor Stortinget

Mange samla seg utanfor Stortinget onsdag kveld i ei markering mot muslimhat og terror etter skytinga i Al-Noor-moskeen i Bærum laurdag.

Det er samfunnsdebattant og Ap-politikar Laial Janet Ayoub som har tatt initiativ til markeringa.

- Det er viktig å samle seg og vise at vi er fleire enn dei få som driv hat, truslar og terror, seier Ayoub til NTB.

Markeringa på onsdag har fått støtte frå 35 organisasjonar. Ayoub har tatt initiativ som privatperson saman med venninna Anne Karima Nordengen.

Byrådsleiar Raymond Johansen (Ap) var òg blant deltakarane.

- Vi samlast for å stå saman mot dette hatet, vise samhald, toleranse og kjærleik. Skulder til skulder, hand i hand mot hat og ekstremisme, står det i omtalen av arrangementet.

På Facebook-sida til markeringa hadde rundt 1.000 menneske onsdag markert at dei ville komme på arrangementet, medan nærare 5.000 personar hadde meldt at dei var interesserte.

(©NPK)

Fleire deltok i ei markering mot muslimhat framfor Stortinget onsdag kveld. Foto: Ørn E. Borgen / NTB scanpix

Fleire møtte opp utanfor Stortinget onsdag der det var ei markering mot muslimhat og terror. Foto: Ørn E. Borgen / NTB scanpix

Byrådsleiar Raymond Johansen under markeringa på Eidsvolls plass mot muslimhat og terror. Foto: Ørn E. Borgen / NTB scanpix

ANNONSE
Annonse
ANNONSE
Annonse