Nordre

Medietilsynet opnar for kompensasjonssøknader i august

Redaktørstyrte medium kan frå starten av august søkje om kompensasjon for omsetningsfall på grunn av koronapandemien.

Ordninga gir rett til kompensasjon for redaktørstyrte medium med omsetningsfall på minst 15 prosent i perioden 15. mars til 30. juni. Kompensasjonen er inntil 60 prosent, og støtta er avgrensa oppover til 15 millionar kroner.

– Vi er glade for at rammene for ei kompensasjonsordning no fell på plass, seier direktør Mari Velsand i Medietilsynet.

Søknadsskjemaet blir tilgjengeleg 4. august og søknadsfristen er 13. august.

– Vi har full forståing for at mange medieverksemder er i ein krevjande situasjon, og vi vil gjere alt vi kan for å behandle søknadene så raskt som mogleg, seier Velsand.

(©NPK)

Lokale, regionale og nasjonale redaktørstyrte medium som har hatt eit omsetningsfall på minst 15 prosent kan søke om kompensasjon. Illustrasjonsfoto: Berit Roald / NTB scanpix / NPK

ANNONSE
Annonse
ANNONSE
Annonse