Nordre

Medium: Truleg ingen Børven-avtale mellom Odd og Rosenborg

Rosenborg har ønske å hente Torgeir Børven allereie før overgangsvindauget stengjer tysdag. Det vil truleg ikkje skje, melder fleire medium.

Opplysningar VG får frå informert hald tyder på at Børven blir i Skien til kontrakten går ut 31. juli. Også Adresseavisen sit med dei same opplysningane.

Til VG seier Odds sportssjef Tore Andersen at det er Rosenborg som sit på nøkkelen til ei løysing.

– Det er god dialog, men når vi ikkje klarer å bli samde om ting, så låser det seg, seier han.

Han trur likevel Børven-floken vil løyse seg.

– Vi har god grunn til å håpe på det. Vi vil miste Noregs beste spiss, og Rosenborg vil få Noregs beste spiss, seier Andersen.

Dersom Odd og Rosenborg ikkje blir samde om ein overgang innan overgangsvindauget stengjer tysdag, må Børven vente til 8. september for å få spele for RBK, sjølv om kontrakten gjeld frå 1. august. Dette kjem av regelverket rundt dei såkalla overgangsvindauga og registrering av nye spelarar.

(©NPK)

Torgeir Børven blir truleg i Odd ut juli, melder VG og Adresseavisen. Foto: Trond Reidar Teigen / NTB scanpix

ANNONSE
Annonse
ANNONSE
Annonse